അക്ഷരങ്ങളുടെ ലോകത്ത് സ്വപ്നസഞ്ചാരിയായ എന്റെ എഴുത്തിനു കൃത്യതയും, കയ്യടക്കവും ആസ്വാദ്യതയും കണ്ടെന്നു വരുകയില്ല , ക്രമേണ അവയിലേക്കു എത്തിപെടാനുള്ള ഒരു സഞ്ചാരമാണ് .നിങ്ങളുടെ സത്യസന്ധമായ അഭിപ്രായങ്ങളും പ്രോത്സാഹനങ്ങളുമാണ് ആ യാത്രയുടെ ഊർജ്ജം....

ബുധനാഴ്‌ച, ഓഗസ്റ്റ് 28, 2013

നമ്മുടെ രുപയും മൂല്യവും

നമ്മുടെ നാട്ടില്‍ തിരേ വിലയില്ലാത്ത ഒരേ ഒരു സാധനമേയുള്ളു അതാണ് നമ്മുടെ രുപ ബാക്കിയെല്ലാത്തിനും ആവശ്യത്തില്‍ അധികമാണു മൂല്യം, രുപയുടെ മൂല്യം തകര്‍ന്നെന്നു ടി വിയിലെ വര്‍ത്തയില്‍ കേട്ടു അക്ഷരഭ്യാസമില്ലാത്ത അവറാച്ചന്‍ വരെ ചോദിക്കുവാ " അല്ല മക്കളെ രുപയുടെ മൂല്യം തകര്‍ന്നാല്‍ നമ്മുടെ ഗന്ഡിയപ്പൂപ്പന്റെ പടം അതില്‍ നിന്നു മാറ്റി വല്ല സായിപ്പിന്റെ പടമോ മറ്റൊ അതില്‍ വെയ്ക്കുമോ" എന്നു. പണ്ട് കോളേജില്‍ പഠിക്കുമ്പോള്‍ രൂപ എന്ന പെണ്‍ക്കുട്ടിയുടെ പുറകെ നടന്നതു അവളുടെ മൂല്യ വര്‍ദ്ധന കണ്ടിട്ടായിരുന്നു അവളുടെ നിലവാരം പോലും പ്രീയപ്പെട്ട രുപയേ നിനക്ക് ഇല്ലാതേ പോയല്ലോ, രൂപയ്ക്കു ദുബായില്‍ പ്രായപൂര്‍ത്തിയായടാ എന്നു കൂട്ടുകാരന്‍ വിളിച്ചു പറഞ്ഞപ്പോള്‍ എടാ അവിടെ അമ്മേരിക്കായില്‍ രുപയ്ക്കു  ഇപ്പം നാലു പ്രാവശ്യം പ്രായപൂര്‍ത്തിയാവുമെന്നു തിരിച്ചു പറയാനാണു തോന്നിയത്.  ഗള്‍ഫിലേ ജൊലിയും കളഞ്ഞു നാട്ടില്‍ വന്നതു രുപയോടുള്ള പ്രണയം മൂലമായിരുന്നു എന്നാലിപ്പോ ആ രൂപ എന്നേ മണ്ടനാക്കി കൊണ്ടേ ഇരിക്കുന്നു." എട പഹയാ എടാ ദുബായിക്കാരാ നിന്റെ ബെസ്റ്റ് ടൈം" ദുബായിക്കാരനെ വിളിച്ചൊന്നു അഭിനന്ദിക്കാനാണു തോന്നിയത്.

ഈ പ്രവശ്യം രുപയുടെ മൂല്യതകര്‍ച്ചയും വിലകയറ്റവും അറിയാതെ നാട്ടിലെത്തുന്ന മവേലിക്കു നല്ല പണി തന്നെ കിട്ടും എല്ല പ്രവശ്യത്തെ പോലെ ചിലവിനുള്ള ക്രിത്യ്‌മായ കാശുമായാണു മേല്‍പ്പടിയാന്‍ വരുന്നതെങ്കില്‍ പ്ട്ടിണി തന്നെ പുള്ളിക്കു   ശരണം. ചിലപ്പോള്‍ പുതിയ ചില കാഴ്ച്ചകളും മാവേലിക്കു കാണേണ്ടി വരും,  നൂറു രുപ നോട്ടു കൊണ്ടു വള്ളം ഉണ്ടാക്കി കളിക്കുന്ന പീക്കിരി പിള്ളാരും അഞ്ഞൂറു രുപ നോട്ടു കൊണ്ട് കൈ തുടയ്ക്കുന്ന അമ്മായിമാരും ഒക്കെയുള്ള നാട്, രുപയുടെ മൂല്യം കുറയുമ്പോള്‍ ശമ്പളത്തിന്റെ മൂല്യത്തിനു ഒരു മാറ്റവുമില്ലല്ലോ ഭഗവാനേ എന്നു ജപിച്ചിരിക്കുമ്പോള്‍ അതാ അടുത്ത വാര്‍ത്ത കമ്പനികള്‍ തൊഴിലവസരങ്ങല്‍ വെട്ടി കുറയ്ക്കാനുള്ള തീരുമാനത്തിലേക്കെന്നു, പള്ളയ്ക്കിട്ടുള്ള തൊഴി ആവല്ലേ പ്രീയാ രൂപയേ നിന്റെ ഈ പോക്കു .
പണ്ടൊക്കെ നമ്മുടെ അപ്പുപ്പന്മാര്‍ ചക്ക കൊടുത്തു മാങ്ങ വാങ്ങി, മത്തന്‍ കൊടുത്ത് മത്തി വാങ്ങി ആ സുന്ദരമായ നാളുകളിലേക്കാണൊ നിന്റെ പൊക്ക് പ്രീയ രുപയേ,ആഗോള വത്കരണവും ബൂര്‍ഷ്യകളുമാണോ നിന്നേ ഈ പരുവത്തിലാക്കിയതു, അതോ അമ്മേരിക്കന്‍ സായിപ്പ് പാര പണിഞ്ഞതോ അറിയില്ല എന്തായാലും ഒരു രുപ കൊടുത്താല്‍ ഒരു നൂറു അമ്മേരിക്കന്‍ ഡോളര്‍ തിരിച്ചു കിട്ടുന്ന ചിന്തിച്ചാല്‍ ഒരു രൂപവുമില്ലാത്ത നല്ല നാളകള്‍ നിനക്കു ഭവിയ്ക്കട്ടെ രുപയേ എന്നിട്ടു വേണം സായിപ്പിനേയും അറബിയേയും ഒക്കെ നോക്കി എനിക്കൊരു ആക്കിയ ചിരി ചിരിക്കാന്‍...

NB: എതോ ഒരു മഹാനായ കവിയുടെ ആധുനിക കവിത
അപരാഹ്നത്തിന്‍റെ അനന്തപഥങ്ങളിൽ മൂല്യ തകര്‍ച്ചയിലേക്ക് രൂപ നടന്നകന്നു. ...... പ്രധാനമന്ത്രിയും ധനമന്ത്രിയും ബീഡി വലിച്ചു....... എക്സ്ചേഞ്ചുകളില്‍ രൂപയുടെ മാറുപിളർന്ന് രക്തം കുടിച്ചു പ്രവാസികള്‍....... റിസേര്‍വ് ബാങ്കിന് ജലദോഷമായിരുന്നു അന്ന്........അമ്പലത്തിന്റെ അകാൽവിളക്കുകൾ തെളിയുന്ന സന്ധ്യയിൽ രൂപ ഡോളറിനോടു ചോദിച്ചു"ഇനിയും നീ ഇതുവഴി വരില്ലേ , എന്‍റെ ശവമടക്ക് നടത്താനായിട്ട്..

ചൊവ്വാഴ്ച, ഓഗസ്റ്റ് 20, 2013

വികാരി 2

പുതിയ വികാരിയച്ചനോട് പള്ളിയിലെ അടിച്ചുതളിക്കാരി മറിയക്കുട്ടി പറഞ്ഞു:

”അച്ചോ അച്ചന്റെ മേല്‍ക്കൂര അപ്പടി ചോരുന്നതാ… അച്ചന്റെ അടുക്കളേലും കുളിമുറീലും വെള്ളം വരത്തില്ല. അച്ചന്റെ കട്ടിലും മേശയുമൊക്കെ പഴഞ്ചനാ.”

എല്ലാം കേട്ടുകഴിഞ്ഞപ്പോള്‍ അച്ചന്‍ മറിയക്കുട്ടിയോട് പറഞ്ഞു:


”നിങ്ങള്‍ കഴിഞ്ഞ ഇരുപത്തഞ്ചു കൊല്ലമായി ഇവിടെ പണിയെടുക്കുന്നതല്ലേ. ഞാനാണെങ്കില്‍ ഇന്നലെ വന്നതും. ആ സ്ഥിതിക്ക് എന്റെ മേല്‍ക്കൂരയെന്നും എന്റെ അടുക്കളയെന്നും പറയാതെ എന്തുകൊണ്ട് നമ്മുടെ മേല്‍ക്കൂരയെന്നും നമ്മുടെ അടുക്കളയെന്നും പറഞ്ഞുകൂടാ. അതല്ലേ ശരി."

ഏതാനും ആഴ്ചകള്‍ കഴിഞ്ഞ് ഒരു ദിവസം ബിഷപ്പും മറ്റു കുറെ പാതിരിമാരുംകൂടി അവിടെ വരികയുണ്ടായി. അവരെല്ലാം പൂമുഖത്ത് വട്ടമിട്ടിരുന്ന് സംസാരിക്കുന്നതിനിടെ മറിയക്കുട്ടി അങ്ങോട്ട് ഓടിക്കിതച്ചുവന്നു. എന്നിട്ട് ഉറക്കെ വികാരിയച്ചനോട് പറഞ്ഞു:


"അച്ചോ… അച്ചോ… നമ്മുടെ ബെഡ്‌റൂമിനകത്ത് മുട്ടനൊരെലി… അത് നമ്മുടെ മെത്തയ്ക്കകത്ത് കയറി ഒളിച്ചിരിക്കുന്നു"

ചൊവ്വാഴ്ച, ജൂലൈ 16, 2013

വികാരി 1

അര്‍ദ്ധ രാത്രിയില്‍ ഫോണിന്റെ ബെല്ലു കേട്ടാണു വികാരിയച്ചന്‍ ചാടി എഴുന്നേല്‍ക്കുന്നത്... ഈ നട്ട പാതിരായ്ക്കു എതവനാണോ എന്നു മനസ്സില്‍ പ്രാകി കൊണ്ടു പോയി ഫോണെടുത്തു.."ആരാണത് " മനസ്സിലെ പരിഭവം പുറത്തു കാണിക്കാതെ വികാരി ചോദിച്ചു.. " മത്തായിച്ചനാണു" അപ്പുറത്തു നിന്നു മറുപടിയും വന്നു..
" എന്താ കാര്യം" വികാരി
"കിഴക്കേതിലെ ടോമി മരിയ്ക്കാറായി, അച്ചന്‍ പെട്ടെന്നു അന്ത്യകുദാശ നല്‍കാന്‍ വരണം"മത്തായി.
"എതാ ഈ ടോമി, അവന്റെ അചന്റെ പേരെന്താ, എനിക്കു ആളെ പിടി കിട്ടിയില്ല" വികാരി ഒന്നും മനസ്സിലാകാതെ പറഞ്ഞു..

" അച്ചോ ഈ ടോമി , കിഴക്കേതിലെ  അവറാന്‍ മുതലാളിയുടെ വളര്‍ത്തു നായാ" മത്തായി  പറഞ്ഞു നിര്‍ത്തിയതും അച്ചന്റെ മേലില്‍ചെകുത്താന്‍ കയറിയ പോലെ ആയി.കണ്ട പട്ടിക്കും പൂച്ചയ്‌ക്കുമൊക്കെ അന്ത്യ കൂദാശ ചെയ്യാന്‍ താന്‍ ആരാണെന്നാ ഇവന്റെ വിചാരം.എതു മുതലാളി ആയാലും തനിക്കു പുല്ലാണെന്ന മട്ടില്‍ വായില്‍ വന്നതെല്ലാം പറഞ്ഞു അച്ചന്‍ ഫോണ്‍ താഴെ വെച്ചു,കിടക്കനായി തുടങ്ങിയതും മത്തായുടെ ഫോണ്‍ വീണ്ടും.." അച്ചോ ഒരു കാര്യം പറയാന്‍ വിട്ടു പോയി,ടൊമിയുടെ വില്‍ പത്രത്തില്‍ അന്ത്യ കുദാശ ചെയ്യുന്ന ആള്‍ക്കു സ്വത്തിന്റെ പകുതി 5 ലക്ഷം രുപ എഴുതി വച്ചിട്ടുണ്ടു"

 " അല്ലാ ഈ ടോമി സാറിനു എന്നാ അസുഖമെന്നാ പറഞ്ഞേ ..ശോ എന്തായാലും കഷ്ട്ടമായി പോയി,, എന്തു നല്ല ആളായിരുന്നു,,മത്തായി ഞാനിതാ വരുന്നു..നമുക്കു വിസ്‌തരിച്ചു തന്നെ ഒരു കുദാശ ചെയ്യാം"

വ്യാഴാഴ്‌ച, ജൂലൈ 04, 2013

മറവി

മറവി എല്ലാവര്‍ക്കും പറ്റും എന്നാല്‍ ഒരു മറവി കാരണം പേരു തന്നെ മാറിയാലോ, കഴിഞ്ഞ ദിവസം ബാങ്കില്‍ അകൌണ്ട് എടുക്കാന്‍ വന്ന ഒരു സ്‌ത്രീയുടെ പേരു കേട്ട് കുന്തം വിഴുങ്ങി നിന്നു പോയി, അവരുടെ പേരു ഷാ എന്നാണത്രേ , ഷാ എന്ന പേരു ഒരു സ്‌ത്രിയ്ക്കോ ആര്‍ക്കാണു കുഴപ്പം തനിക്കോ അവര്‍ക്കോ .. അപ്പോഴാണു അവരുടെ പേരു വന്ന വഴി അവര്‍ പറയുന്നതു, അഛനും അമ്മയ്‌ക്കും കൂടി ആറ്റു നോറ്റ് കിട്ടിയ പെണ്‍തരിയായിരുന്നു അവര്‍ വിദ്യാഭ്യാസമില്ലാത്ത മാതാപിതാക്കള്‍ക്കു മകളെ വിദ്യാഭ്യാസം ചെയ്യിപ്പിക്കണമെന്നു നിര്‍ബന്ഡമുണ്ടായിരുന്നു.
അങ്ങനെ മകളെ സ്‌കൂളില്‍ ചേര്‍ക്കാനുള്ള ദിവസം വന്നെത്തി . ശാലിനി എന്നു നല്ലൊരു പേരും കണ്ടെത്തി ... വിദ്യാഭ്യാസം തീരെ ഇല്ലാത്ത മാതാവിനൊടൊപ്പം സ്‌കൂളിലേക്കു അവര്‍ പോയി. വഴിയിലുടനീളം ആ അമ്മ മക്ളുടെ പേരു ശാലിനി എന്നു മനസ്സില്‍ പറയുന്നുണ്ടായിരുന്നു.. പക്ഷേ സ്‌കൂളിന്റെ മുറ്റത്തു എത്തിയതും ശാലിനി എന്ന പേര്‍ അവര്‍ മറന്നു പോയത്രെ.. അവസാനം അവര്‍ കഷ്ടിച്ചു ഓര്‍ത്തെടുത്ത പേരാണു ശാലിനിയുടെ ആദ്യ അക്ഷരമായ ഷാ,, അങ്ങനെ ലോകത്താദ്യമായി ഒരു സ്‌ത്രീയുടെ പേരു ഷാ എന്നായി തീര്‍ന്നത്രേ..

എന്താ ആ കുട്ടിയേ ചേര്‍ത്ത സാറും മണ്ടനായിരുന്നോ അതോ അവരുടെ കഥ കേട്ട് വിശ്വസിച്ച ഞാനോ മണ്ടന്‍?.. ഉത്തരം കിട്ടാത്ത സമസ്യയുമായി വീണ്ടും ഈ ഞാന്‍......  ,  എന്തായാലും പേരു കാര്‍ത്തികയെന്നോ കാവേരിയെന്നോ ഇടാഞ്ഞിരുന്നതു അവരുടെ ഭാഗ്യം അല്ലെങ്കില്‍ ജീവിത കാലം മുഴുവന്‍ എടി 'കാ" യേ എന്നുള്ള വിളിയും കേട്ടു നടന്നേനേയും അവര്‍.

ശനിയാഴ്‌ച, ജൂൺ 22, 2013

എസ് എം എസ്സ്

രാത്രി വളരെയായിട്ടും രാമുവിനു ഉറക്കം വരുന്നില്ലാ.. ഒരു പാട് നാളായി മനസ്സിന്റെ നാലു കെട്ടിനുള്ളില്‍ ഒളിപ്പിച്ചു വെച്ചിരുന്നാ തന്റെ പ്രണയം അവളോടു പറയാന്‍ തന്നെ അവന്‍ തിരുമാനിച്ചു.. എത്ര നാളായി ..ഇനി വയ്യാ... അവന്‍ തന്റെ മോബൈലെടുത്തു " I Love You.Do You Love Me? " എന്ന്  മെസ്സേജ്ജു ടൈപ്പു ചെയ്തു സെന്‍ന്റു ചെയ്തു . .നിമിഷങ്ങള്‍ക്കുള്ളില്‍ മെസ്സേജ്ജിന്റെ മറുപടിയും വന്നു. അവന്റെ ഹ്രിദധമനികളില്‍ രക്‌തയോട്ടത്തിന്റെ ശക്‌തികൂടി.. അവനുറപ്പുണ്ടായിരുന്നു മറുപടി " Yes " എന്നായിരിക്കും...

 ഇല്ല തുറക്കില്ല..എന്തു വന്നാലും ഈ മെസ്സേജ്ജു ഇപ്പോള്‍ തുറക്കില്ല..നാളെ ഒന്നാം തീയതി തന്റെ പ്രണയിനിയുടെ മറുപടിയും കണികണ്ടുണരണമെന്നു അവനു നിര്‍ബന്ഡമുണ്ടായിരുന്നു.. ഉറക്കമില്ലാതെ  ഉറങ്ങി അവന്‍ എങ്ങനേയോ നേരം വെളുപ്പിച്ചു..വിറയാര്‍ന്ന കൈകളോടെ അവന്‍ തന്റെ മൊബൈലിന്റെ ഇന്‍ ബോക്സിലേക്കു ഊളിയിട്ടു.. താന്‍ കാത്തിരുന്ന മെസ്സേജ്ജു കണികണ്ട അവന്‍ 11കെവി  ലൈനില്‍ വീണു ഷോക്കടിച്ച കാക്കയുടെ അവസ്ഥയിലായി..
" Dear Customer, Message sending failed Due to insufficient Balance, Please recharge your account"

വ്യാഴാഴ്‌ച, ഫെബ്രുവരി 21, 2013

മണല്‍

മണലുമായി പായുന്ന ലോറിയില്‍ നിന്നു

ഇറ്റിറ്റു വീഴുന്ന ജലകണങ്ങള്‍

ഭൂമിതന്‍ നെറുകയില്‍ പതിക്കുമ്പോള്‍

പുഴയുടെ കണ്ണീര്‍തുള്ളികളായി

പ്രക്രിതിയുടെ അറുതിയായി

നാളത്തെ തലമുറതന്‍ നൊമ്പരമായി

തിങ്കളാഴ്‌ച, ജനുവരി 07, 2013

മാപ്പ്

ചവിട്ടി അരച്ചവര്‍ പനിനീര്‍പൂവിനെ
തങ്ങളുടെ കാലുകള്‍ കുഴയുവോളം

നുകര്‍ന്നെടുത്തവര്‍ അതിന്‍ മധുകണം
രക്‌തദാഹികളായ പിശാചുകള്‍ കണക്കെ

പാഞ്ഞടുത്ത കരി വണ്ടുകള്‍ തന്‍
പ്രഹരത്തില്‍ വീണുപോയോ പൂവേ നീ

എങ്കിലും നീ നിര്‍ഭയായ് നിന്നു
കൊടുംകാറ്റില്‍ വീഴാത്ത വന്‍മരം പോലെ

മാപ്പു തരു എന്‍ സോദരി നിന്‍ ജീവന്റെ
സംരക്ഷകരാകേണ്ടിയിരുന്ന ഈ ഭീരുക്കളോടു

നിന്നുടെ രോദന ശബ്‌ദം കേള്‍ക്കാതെ
അകന്നു പോയ കര്‍ണ്ണങ്ങളോട്
Related Posts Plugin for WordPress, Blogger...